ჩვენ შესახებ

ორგანიზაციის თავმჯდომარე 2020 წლიდან

გვანცა წუუკიძე არის როტერდამის ერასმუსის უნივერსიტეტის (ნიდერლანდები, NUFFIC სტიპენდია), საერთაშორისო და ევროპული საჯარო სამართალი (LLM) კურსდამთავრებული,    კავკასიის უნივერსიტეტის საერთაშორისო საჯარო სამართლის (LLM) კურსდამთავრებული და  თბილისის სახელმწიფო უნივერსიტეტის იურიდიული ფაკულტეტის (LLM) კურსდამთავრებული.

ის ხელმძღვანელობს კანონის უზენაესობის პროგრამას საქართველოს დემოკრატიულ ინიციატივაში (GDI). აღნიშნული პროგრამა 2 წელზე მეტი ხნის განმავლობაში თავმჯდომარეობდა კოალიციას დამოუკიდებელი და გამჭვირვალე მართლმსაჯულებისთვის 2021 წლის მარტამდე. იგი ჩართულია GDI-ის მიერ განხორციელებულ სხვადასხვა პროექტში, მისი საექსპერტო მიმართულებები მოიცავს მართლმსაჯულების სექტორს და კანონის უზენაესობას. მანამდე ის მუშაობდა არასამთავრობო ორგანიზაციაში - საქართველოს რეფორმების ასოციაციაში (GRASS) და მონაწილეობა მიიღო UPR-ის ჩრდილოვანი ანგარიშის მომზადებაში უმცირესობების უფლებებთან დაკავშირებით. 2008-2013 წლებში ასევე მუშაობდა საქართველოს იუსტიციის უმაღლეს საბჭოში სამართლებრივ მრჩევლად. მონაწილეობდა სხვადასხვა საერთაშორისო სემინარებში, კონფერენციებსა და შეხვედრებში. ბოლოს მონაწილეობა მიიღო პროფესიონალი სტიპენდიანტების პროგრამაში (PFP) და პროგრამის ფარგლებში მუშაობდა  ადამიანის უფლებათა კამპანიასთან (HRC) ქალაქ ვაშინგტონში.

რაფიელ კაკაბაძე - დაიბადა თბილისში, 1997 წლის 14 ნოემბერს. 2003-2014 წლებში სწავლობდა თბილისის კლასიკურ გიმნაზიაში, ხოლო 2015-2019 წლებში თბლისის თავისუფალი უნივერსიტეტის სამართლის სკოლაში. 2021 წლიდან არის ილიას სახელმწიფო უნივერსიტეტის სამაგისტრო პროგრამის სტუდენტი. რაფიელი GDI-ის გუნდს 2018 წლის დასაწყისში შემოუერთდა, ამჟამად იგი კანონის უზენაესობის პროექტის იურისტია.

დაიბადა 1998 წელს. 2020 წელს დაამთავრა თბილისის თავისუფალი უნივერსიტეტის სამართლის სკოლის ბაკალავრი. სწავლობს ილიას სახელმწიფო უნივერსიტეტის სამაგისტრო პროგრამაზე - პოლიტიკის მეცნიერების მიმართულებით. მონაწილეობა აქვს მიღებული სხვადასხვა კონკურსებში.

სალომე გომართელი პროფესიით იურისტია. 2021 წელს წარმატებით დაამთავრა თბილისის თავისუფალი უნივერსიტეტის სამართლის სკოლა (დაიკავა მე-3 ადგილი თავის გამოშვებაში). სალომე არის სამართლის სხვადასხვა ეროვნული და საერთაშორისო შეჯიბრის (მათ შორის, Jessup national rounds, Jean-Pictet Competition) გამარჯვებული. მონაწილეობა აქვს ასევე მიღებული ადამიანის უფლებათა საზაფხულო სკოლებში, ტრენინგებში, კურსებსა და ვორკშოფებში. სალომე GDI-ის პოლიტიკური და სამოქალაქო უფლებების პროგრამას შეუერთდა 2020 წელს. ჩართულია კვლევაში, სამართალწარმოებაში, ანგარიშების და პროექტების მომზადებაში. აინტერესებს ადამიანის უფლებათა, საერთაშორისო საჯარო და საერთაშორისო ჰუმანიტარული სამართალი.

ეკატერინე სუბელიანი არის სამოქალაქო და პოლიტიკური უფლებების პროგრამის იურისტი. ეკატერინემ დაასრულა თბილისის თავისუფალი უნივერსიტეტის საბაკალავრო პროგრამა. ეკატერინე მონაწილეობდა არაერთ საერთაშორისო თუ ეროვნულ იმიტირებულ პროცესებსა და შეჯიბრებში, რომლებიც ორგანიზებული იყო ეუთო/ოდირის, საიას, USAID-ის, საქართველოს იუსტიციის სამინისტროს და სხვათა მიერ.

2021 წელს ვასილ ჟიჟიაშვილმა დაამთავრა თბილისის თავისუფალი უნივერსიტეტის სამართლის სკოლა. 2019 წლიდან 2022 წლამდე მუშაობდა საქართველოს ახალგაზრდა იურისტთა ასოციაციაში საკონსტიტუციო სამართალწარომების იურისტის პოზიციაზე. 2022 წლიდან ვასილ ჟიჟიაშვილი ასევე არის თბილისის თავისუფალი უნივერსიტეტისა და საქართველოს უნივერსიტეტის მოწევეული ლექტორი.

მარიამ ტაგანაშვილი არის GDI-ის საერთაშორისო სამართალწარმოების გუნდის იურისტი. მარიამმა დაასრულა თბილისის თავისუფალი უნივერსიტეტის საბაკალავრო პროგრამა, ხოლო ამჟამად სწავლას აგრძელებს ილიას სახელმწიფო უნივერსიტეტში საჯარო სამართლისა და პოლიტიკის სამაგისტრო პროგრამაზე.

მარიამი იყო სტაჟიორი GDI-ის კანონის უზენაესობის პროგრამაში, აგრეთვე,  მუშაობდა ადვოკატის ასისტენტად „საქართველოს ახალგაზრდა იურისტთა ასოციაციაში“ სამოქალაქო და ადმინისტრაციული სამართლის მიმართულებით. მარიამი მონაწილეობდა არაერთ საერთაშორისო თუ ეროვნულ იმიტირებულ პროცესებსა თუ შეჯიბრებეში, რომლებიც ორგანიზებული იყო ეუთო/ოდირის, საიას, USAID-ის, საქართველოს იუსტიციის სამინისტროს, საქართველოს პარლამენტისა და სხვათა მიერ.

ვიკა კახიძე ორგანიზაციაში ადმინისტრაციული ასისტენტის პოზიციას იკავებს. ვიკა თბილისის თავისუფალ უნივერსიტეტის მართვისა და საზოგადოებრივ მეცნიებათა საბაკალავრო პროგრამაზე სწავლობს. სამუშაო და მოხალისეობრივი გამოცდილება მიიღო ისეთ არასამთავრობო ორგანიზაციებში როგორებიცაა: „სამართლიანი არჩევნებისა და დემოკრატიის საერთაშორისო საზოგადოება“ (ISFED) , „დემოკრატიის მცველები“ (Democracy Defenders) და სხვა. ამჟამად აქტიურად მონაწილეობს სტუდენტურ პროექტებსა და  სამოქალაქო აქტივობებში.

ვიკა კახიძე იყო სტაჟიორი GDI-ს სამოქალაქო განათლების პროგრამაში. ამჟამად, სამოქალაქო განათლების გარდა, ორგანიზაციაში  ადმინისტრაციული მიმართულებითაც არის ჩართული. 

ანი გაგნიძე დაიბადა 2003 წლის 22 მარტს. 2020 წელს დაამთავრა სსიპ ილია ჭავჭავაძის სახელობის ქ. ხაშურის N3 საჯარო სკოლა. ამჟამად არის თბილისის თავისუფალი უნივერსიტეტის სამართლის სკოლის მესამე კურსის სტუდენტი.

ნინო შელია არის თავისუფალი უნივერსიტეტის სამართლის სკოლის სტუდენტი.  2022 წლის სექტემბრიდან ჩართულია აშშ-ს უზენაესი სასამართლოს პრაქტიკის კვლევაში გამოხატვის თავისუფლების საკითხზე. 2022 წლის ზაფხულში ის გახდა DAAD ზაფხულის სკოლის პროგრამის სტიპენდიანტი და გაიარა სამართლის კურსი ვესტფალიის ფრიდრიხ ვილჰელმის სახელობის მიუნსტერის უნივერსიტეტში, გერმანიაში.